Poetry Explorer

Classic and Contemporary Poetry

CA' THE YOWES TO THE KNOWES, by             Poem Explanation     Poet Analysis     Poet's Biography
First Line: Ca' the yowes to the knowes
Last Line: My bonnie dearie.
Variant Title(s): Hark, The Mavis' E'ebing Sang
Subject(s): Love


Ca'the yowes to the knowes,
Ca' them where the heather grows,
Ca' them where the burnie rowes,
My bonnie Dearie.

Hark the mavis' e'ening sang,
Sounding Clouden's woods amang;
Then a-faulding let us gang,
My bonnie Dearie.
Ca' the yowes, &c.

We'll gae down by Clouden side,
Thro' the hazels, spreading wide,
O'er the waves that sweetly glide,
To the moon sae clearly.
Ca' the yowes, &c.

Yonder Clouden's silent towers,
Where, at moonshine's midnight hours,
O'er the dewy-bending flowers,
Fairies dance sae cheery.
Ca' the yowes, &c.

Ghaist nor bogle shalt thou fear,
Thou'rt to Love and Heav'n sae dear,
Nocht of ill may come thee near;
My bonnie Dearie.
Ca' the yowes, &c.

Fair and lovely as thou art,
Thou hast stown my very heart;
I can die -- but canna part,
My bonnie Dearie.





Discover our Poem Explanations and Poet Analyses!


Other Poems of Interest...
Home: PoetryExplorer.net