|
Classic and Contemporary Poetry
POVERTY PARTS GUDE COMPANIE, by JOANNA BAILLIE Poem Explanation Poet Analysis Poet's Biography First Line: When my o'erlay was white as the foam o' the lin Last Line: How poverty parts dear company. Subject(s): Love - Materialism | |||
WHEN my o'erlay was white as the foam o' the lin, And siller was chinkin my pouches within, When my lambkins were bleatin on meadow and brae, As I went to my love in new cleeding sae gay, Kind was she, and my friends were free, But poverty parts good company. How swift pass'd the minutes and hours of delight, The piper play'd cheerly, the crusie burn'd bright, And link'd in my hand was the maiden sae dear, As she footed the floor in her holyday gear! Woe is me; and can it then be, That poverty parts sic company? We met at the fair, and we met at the kirk, We met i' the sunshine, we met i' the mirk; And the sound o' her voice, and the blinks o' her een, The cheerin and life of my bosom hae been. Leaves frae the tree, at Martinmass flee, And poverty parts sweet company. At bridal and in fair, I braced me wi' pride, The broose I hae won, and a kiss o' the bride; And loud was the laughter good fellows among, As I utter'd my banter or chorus'd my song; Dowie and dree are jestin and glee, When poverty spoils good company. Wherever I gaed kindly lasses look'd sweet, And mithers and aunties were unco discreet; While kebbuck and bicker were set on the board; But now they pass by me, and never a word! Sae let it be, for the worldly and slee Wi' poverty keep nae company. But the hope of my love is a cure for its smart, And the spae-wife has tauld me to keep up my heart, For, wi' my last saxpence, her loof I hae crost, And the bliss that is fated can never be lost. Though cruelly we may ilka day see How poverty parts dear company. | Discover our Poem Explanations and Poet Analyses!Other Poems of Interest...LADY CLARA VERE DE VERE by ALFRED TENNYSON FOR LACK OF GOLD by ADAM AUSTIN EMBLEMS OF LOVE: 28. LOVE'S TRIUMPH OVER RICHES by PHILIP AYRES EMBLEMS OF LOVE: 40. LOVE BOUGHT AND SOLD by PHILIP AYRES THE BITER BIT by WILLIAM EDMONSTOUNE AYTOUN BALLAD TO THE TUNE OF 'I'LL HAVE MY LOVE, OR I'LL HAVE ONE' by PATRICK CAREY LOVE AND MONEY by WILLIAM HENRY DAVIES A MOTHER TO HER WAKING INFANT by JOANNA BAILLIE |
|