Classic and Contemporary Poetry
POORTITH CAULD, by ROBERT BURNS Poet Analysis Poet's Biography First Line: O poortith cauld, and restless love Last Line: O why, &c. Subject(s): Lovw; Life; Future | ||||||||
O poortith cauld, and restless love, Ye wrack my peace between ye; Yet poortith a' I could forgive, An 'twere na for my Jeanie. Chorus -- O why should Fate sic pleasure have, Life's dearest bands untwining? Or why sae sweet a flower as love Depend on Fortune's shining? The warld's wealth, when I think on, It's pride and a' the lave o't; O fie on silly coward man, That he should be the slave o't! O why, &c. Her e'en, sae bonnie blue, betray How she repays my passion; But prudence is her o'erword aye, She talks o' rank and fashion. O why, &c. O wha can prudence think upon, And sic a lassie by him? O wha can prudence think upon, And sae in love as I am? O why, &c. How blest the simple cotter's fate! He woos his artless dearie; The silly bogles, wealth and state, Can never make him eerie, O why, &c. | Discover our Poem Explanations and Poet Analyses!Other Poems of Interest...WE ARE THOSE PEOPLE by ROBINSON JEFFERS GRANITE AND CYPRESS by ROBINSON JEFFERS WATCH THE LIGHTS FADE by ROBINSON JEFFERS A PRAYER FOR THE FUTURE by GEORGE BARLOW (1847-1913) TWO SONNETS, IN 1972: 1. FEBRUARY by DAVID LEHMAN FOR FUTURES by JOSEPHINE MILES WRITTEN DURING DEPRESSION: HOW TO BE HAPPY by MARVIN BELL A MAN CAME TUESDAY by JOHN CIARDI A BARD'S EPITAPH by ROBERT BURNS A POET'S WELCOME TO HIS LOVE-BEGOTTEN DAUGHTER by ROBERT BURNS |
|