Poetry Explorer- Classic Contemporary Poetry, THE BRAES O' BALLOCHMYLE, by ROBERT BURNS


Poetry Explorer

Classic and Contemporary Poetry

THE BRAES O' BALLOCHMYLE, by                 Poet Analysis     Poet's Biography
First Line: The catrine woods were yellow seen
Last Line: Farewell, farewell! Sweet ballochmyle!
Subject(s): Nature; Regret


The Catrine woods were yellow seen,
The flowers decay'd on Catrine lee,
Nae lav'rock sang on hillock green,
But nature sicken'd on the e'e.
Thro' faded groves Maria sang,
Hersel' in beauty's bloom the while;
And aye the wild-wood ehoes rang,
Farewell the braes o' Ballochmyle!

Low in your wintry beds, ye flowers,
Again ye'll flourish fresh and fair;
Ye birdies dumb, in with'ring bowers,
Again ye'll charm the vocal air.
But here, alas! for me nae mair
Shall birdie charm, or floweret smile;
Farewell the bonnie banks of Ayr,
Farewell, farewell! sweet Ballochmyle!





Discover our Poem Explanations and Poet Analyses!


Other Poems of Interest...
Home: PoetryExplorer.net