Classic and Contemporary Poetry
A VALENTINE, by DINAH MARIA MULOCK CRAIK Poet's Biography First Line: Ye are twa laddies uncogleg Last Line: Dear jim and johnnie! Alternate Author Name(s): Mulock, Dinah Maria Subject(s): Holidays; Valentine's Day | ||||||||
YE are twa laddies unco gleg, An' blithe an' bonnie: As licht o' heel as Anster's Meg; -- Gin ye'd a lassie's favor beg, I' faith she couldna stir a peg Ance lookin' on ye! He's a douce wiselike callant -- Jim: Of wit aye ready. Cuts aff ane's sentence, 't ither's limb, An' whiles he's daft and whiles he's grim, But brains? -- wha's got the like o'him In's wee bit heidie? Dear laddie wi' the curlin' hair, Gentlest of ony: That gies kind looks an' speeches fair To dour auld wives as lassies rare, -- I ken a score o' lads an' mair, But nane like Johnnie! And gin ye learn the way to woo, Hae sweethearts mony, O laddie, never say ye loe An' gie fause coin for siller true; A lassie's sair heart's naething new, -- Mind o' that, Johnnie. An' dinna change your luve sae fast For ilk face bonnie, Lest waefu' want track wilfu' waste, And a' your youthfu' years lang past, Ye get the crookit stick at last, Ochone, puir Johnnie! But callants baith, tak tent, and when Bright e'en hae won ye, Tak each your jo -- and keep her -- then Be faithfu' as ye're fond, ye ken, Or -- gang your gate like honest men, Young Jim and Johnnie. Sae when auld Time his crookit claw Sall lay upon ye, When, Jim, your feet that dance sae braw Are no the lightest in the ha', An' a' your curly haffets fa', My winsome Johnnie, -- May each his ain warm ingle view, Cosie as ony: A gudewife sonsie, leal and true, O' bonnie dochters not a few, An' lads -- sic lads as ye're the noo -- Dear Jim and Johnnie! | Discover our Poem Explanations and Poet Analyses!Other Poems of Interest...DOUGLAS, DOUGLAS, TENDER AND TRUE by DINAH MARIA MULOCK CRAIK HER LIKENESS by DINAH MARIA MULOCK CRAIK NOW AND AFTERWARDS by DINAH MARIA MULOCK CRAIK ONLY A WOMAN by DINAH MARIA MULOCK CRAIK PHILIP, MY KING by DINAH MARIA MULOCK CRAIK A 'MERCENARY' MARRIAGE by DINAH MARIA MULOCK CRAIK A CHILD'S SMILE by DINAH MARIA MULOCK CRAIK A CHRISTMAS CAROL by DINAH MARIA MULOCK CRAIK A DEAD BABY by DINAH MARIA MULOCK CRAIK A DEAD SEA-GULL; NEAR LIVERPOOL by DINAH MARIA MULOCK CRAIK |
|