|
Classic and Contemporary Poetry
SHY GEORDIE, by HELEN B. CRUICKSHANK First Line: Up the noran water Last Line: The lucky lad was me! | |||
UP the Noran Water In by Inglismaddy, Annie's got a bairnie That hasna got a daddy. Some say it's Tammas's, An' some say it's Chay's; An' naebody expec'it it, Wi' Annie's quiet ways. Up the Noran Water The bonny little mannie Is dandled an' cuddled close By Inglismaddy's Annie. Wha the bairnie's daddy is The lassie never says; But some think it's Tammas's, An' some think it's Chay's. Up the Noran Water The country folk are kind; An' wha the bairnie's daddy is They dinna muckle mind. But oh! the bairn at Annie's breist, The love in Annie's e'e -- They mak' me wish wi' a' my micht The lucky lad was me! | Discover our Poem Explanations and Poet Analyses!Other Poems of Interest...A SEA SONG by ALLAN CUNNINGHAM ELEGY: 16. ON HIS MISTRESS by JOHN DONNE THE TARRY BUCCANEER by JOHN MASEFIELD DISILLUSIONMENT OF TEN O'CLOCK by WALLACE STEVENS BLESSING THE LIGHTS by ALTER ABELSON WHAT THEY ASK by FRANKLIN PIERCE ADAMS THE LOVER AND THE BIRDS by WILLIAM ALLINGHAM |
|