Classic and Contemporary Poetry
COMPLAINT OF THE COMMON WEILL OF SCOTLAND, by DAVID LYNDSAY Poet Analysis Poet's Biography First Line: And thus as we were talking to and fro Last Line: To rule thy realm in unity and peace. Alternate Author Name(s): Lindsay, David; Lyndsay, Sir David Of The Moiunt Subject(s): Scotland | ||||||||
AND thus as we were talking to and fro We saw a busteous berne come owre the bent, But horse, on fute, as fast as he micht go, Whose raiment was all raggit, riven and rent, With visage lean, as he had fastit Lent: And forwart fast his wayis he did advance, With ane richt malancolious countenance. With scrip on hip, and pykestaff in his hand, As he had purposit to pass fra hame. Quod I: "Gude man, I wald fain understand, Gif that ye plesit, to wit what were your name?" Quod he: "My son, of that I think great shame; Bot sen thou wald of my name have ane feill, Forsooth, they call me John the Common weill". "Schir Common weill, who has you so disguisit?" Quod I: "or what makis you so miserabill? I have marvel to see you so supprysit, The whilk that I have seen so honorabill. To all the warld ye have been profitable, And weill honorit in everilk natioun: How happenis, now, your tribulatioun?" "Allace!" quod he, "thou sees how it does stand With me, and how I am disherisit Of all my grace, and mon pass of Scotland, And go, afore whare I was cherisit. Remain I here, I am bot perisit; For there is few to me that takis tent, That garris me go so raggit, riven and rent. "My tender friendis are all put to flycht; For Policy is fled again to France. My sister, Justice, almost hath tint her sicht, That she can nocht hold evenly the balance. Plain wrang is plain capitane of Ordinance, The whilk debarris Lawtie and Reason, And small remeid is found for open treason. "Into the South, allace, I was near slain: Owre all the land I culd find no relief; Almost betwixt the Merse and Lochmabane I culd nocht knaw ane leill man be ane thief. To schaw their reif, thift, murder, and mischief, And vicious werkis, it wald infect the air: And als langsum to me for to declare. "Into the Highland I culd find no remeid, Bot suddenly I was put to exile. Tha sweir swyngeoris they took of me none heed, Nor amangs them let me remain ane while. Als, in the out Ilis and in Argyle, Unthrift, sweirness, falset, poverty and strife Put Policy in danger of her life. "In the Lawland I come to seek refuge, And purposit there to mak my residence; Bot singular profit gart me soon disluge, And did me great injuries and offence, And said to me: 'Swith, harlot, hie thee hence: And in this country see thou tak no curis, Sa lang as my auctoritie enduris. "'Therefore, adieu, I may no langer tarry.'" "Fare weill", quod I, and with Sanct John to borrow. Bot wit ye weill my heart was wonder sarye, When Common weill so sopit was in sorrow. Yit after the nicht comis the glad morrow; "Wharefore, I pray you, shaw me in certain, When that ye purpose for to come again." "That questioun, it sall be soon decidit", Quod he: "thare sall na Scot have comforting Of me, till that I see the country guidit By wisdom of ane gude, auld prudent king, Whilk sall delight him maist abune all thing, To put justice till executioun, And on strang traitouris mak punitioun. "Als yet to thee I say ane other thing: I see richt weill that proverb is full true. Woe to the realm that has owre young a king." With that he turnit his back and said "adieu". Over firth and fell richt fast fra me he flew, Whose departing to me was displesand. With that, Remembrance took me by the hand. And soon, me thocht, she brocht me to the roche, And to the cove where I began to sleep. With that ane ship did speedily approach, Full plesandlie sailing upon the deep; And syne did slack her sailis, and gan to creep Towart the land, anent where that I lay: Bot, wit you weill, I gat ane felloun fray. All her cannounis she let crack off at onis: Down shook the streameris from the top-castell; They sparit nocht the poulder nor the stonis; They shot their boltis and doun their anchoris fell; The marineris they did so youte and yell, That hastily I stert out of my dream, Half in ane fray, and speedily past hame. And lichtly dinit, with lyste and appetite, Syne efter, past intil ane oritore, And took my pen, and than began to write All the visioun that I have shawin before. Sir, of my dream as now thou gettis no more, Bot I beseik God for to send thee grace To rule thy realm in unity and peace. | Discover our Poem Explanations and Poet Analyses!Other Poems of Interest...SCOTLAND'S WINTER by EDWIN MUIR ELEGY ASKING THAT IT BE THE LAST; FOR INGRID ERHARDT, 1951-1971 by NORMAN DUBIE FUSELAGE INSTALLATION by JUAN FELIPE HERRERA SHOOTING SEASON; IN THE NORTH OF SCOTLAND by ROBINSON JEFFERS IN JOHN UPDIKE'S ROOM by CHRISTOPHER WISEMAN THE EXECUTION OF MONTROSE by WILLIAM EDMONSTOUNE AYTOUN THE HEART OF THE BRUCE by WILLIAM EDMONSTOUNE AYTOUN ROBERT BRUCE'S ADDRESS TO HIS ARMY BEFORE BANNOCKBURN by ROBERT BURNS A CARMAN'S ACCOUNT OF A LAWSUIT by DAVID LYNDSAY ANE SATIRE OF THE THREE ESTAITIS: OPPRESSION BETRAYS THEFT by DAVID LYNDSAY ANE SATYRE OF THE THREI ESTAITIS, SELECTION by DAVID LYNDSAY |
|