Classic and Contemporary Poetry
O WAE BE TO THE ORDERS THAT MARCHED MY LUVE AWA', by WILLIAM MOTHERWELL Poet Analysis Poet's Biography Last Line: O they hae nae winsome luve like mine in the wars o' germanie! Alternate Author Name(s): Brown, Isaac Subject(s): War; Germany; Soldiers; Farewell | ||||||||
O wae be to the orders that marched my luve awa', And wae be to the cruel cause that gars my tears doun fa', O wae be to the bluidy wars in Hie Germanie, For they hae ta'n my luve, and left a broken heart to me. The drums beat in the mornin' afore the scriech o' day, And the wee wee fifes piped loud and shrill, while yet the morn was grey ; The bonnie flags were a' unfurled, a gallant sight to see, But waes me for my sodger lad that marched to Germanie. O, lang, lang is the travel to the bonnie Pier o' Leith, O dreich it is to gang on foot wi' the snaw- drift in the teeth! And O, the cauld wind froze the tear that gathered in my ee, When I gade there to see my luve embark for Germanie! I looked ower the braid blue sea, sae long as could be seen, Ae wee bit sail upon the ship that mysodger lad was in; But the wind was blawin' sair and snell, and the ship sail'd speedilie, And the waves and cruel wars hae twinn'd my winsome luve frae me. I never think o' dancin', and I downa try to sing, But a' the clay I spier what news kind neibour bodies bring ; I sometimes knit a stocking, if knittin' it may be, Syne for every loop that I cast on, I am sure to let doun three. My father says I'm in a pet, my mither jeers at me, And bans me for a dautit wean, in dorts for aye to be ; But little weet they o' the cause that drumles sae my ee : O they hae nae winsome luve like mine in the wars o' Germanie! | Discover our Poem Explanations and Poet Analyses!Other Poems of Interest...THE THREE CHILDREN by JOSEPHINE JACOBSEN STUDY #2 FOR B.B.L. by JUNE JORDAN WATCHING THE NEEDLEBOATS AT SAN SABBA by JAMES JOYCE SESTINA: TRAVEL NOTES by WELDON KEES JEANIE MORRISON by WILLIAM MOTHERWELL |
|