Classic and Contemporary Poetry
AN ODE TO MR. FORBES, by ALLAN RAMSAY Poem Explanation Poet Analysis Poet's Biography First Line: Now gowans sprout and lavrocks sing Last Line: Enjoy it a', ye've nae mair for't. Subject(s): Spring | ||||||||
Now gowans sprout and lavrocks sing, And welcome west winds warm the spring, O'er hill and dale they saftly blaw, And drive the winter's cauld awa. The ships lang gyzened at the pier Now spread their sails and smoothly steer. The nags and nowt hate wissened strae, And frisking to the fields they gae, Nor hynds wi' elson and hemp lingle, Sit soling shoon out o'er the ingle. Now bonny haughs their verdure boast, That late were clade wi' snaw and frost. With her gay train the Paphian Queen By moonlight dances on the green; She leads while Nymphs and Graces sing, And trip around the fairy ring. Meantime poor Vulcan hard at thrift, Gets mony a sair and heavy lift, Whilst, rinnen down, his haff-blind lads Blaw up the fire, and thump the gads. Now leave your fitsted on the dew, And busk ye'r sell in habit new. Be gratefu' to the guiding powers, And blythly spend your easy hours. O kanny F -- -- -- ! tutor time, And live as lang's ye'r in your prime; That ill-bred Death has nae regard To king or cottar, or a laird, As soon a castle he'll attack, As waus of divots roofed wi' thack. Immediately we'll a' take flight Unto the mirk realms of night, As stories gang, with gaists to roam, In gloumie Pluto's gousty dome; Bid fair good-day to pleasure syne Of bonny lasses and red wine. Then deem ilk little care a crime, Dares waste an hour of precious time; And since our life's sae unko short, Enjoy it a', ye've nae mair for't. | Discover our Poem Explanations and Poet Analyses!Other Poems of Interest...SPRING LEMONADE by TONY HOAGLAND A SPRING SONG by LYMAN WHITNEY ALLEN SPRING'S RETURN by GEORGE LAWRENCE ANDREWS ODE TO SPRING by ANNA LETITIA BARBAULD ODE TO SPRING by ANNA LETITIA BARBAULD SPRING FLOODS by MAURICE BARING SPRING IN WINTER by CHARLOTTE FISKE BATES SPRING ON THE PRAIRIE by HERBERT BATES THE FARMER'S BOY: SPRING by ROBERT BLOOMFIELD LOCHABER NO MORE by ALLAN RAMSAY |
|